ပါရီ သို့မဟုတ် အလင်းမြို့တော် - ၁(ခ)

ပါရီ သို့မဟုတ် အလင်းမြို့တော် - ၁(ခ)
လေယာဉ်သည် မြန်မာနိုင်ငံ ရခိုင်ပြည်နယ်ဒေသကိုဖြတ်သန်း၍ ဘင်္ဂလားဒေ့ရ်ှနိုင်ငံကို အမြင့်ပေ ၃ဝဝဝဝ ကျော်မှ ဖြတ်သန်းဝင်ရောက်နေပြီဖြစ်ကြောင်း လေယာဉ်ထိုင်ခုံရှေ့ ရှိ တီဗွီဖန်သားပြင်က ဖော်ပြပေးနေသည်။ ၁၁ နာရီကျော်ကြာ ပျံသန်းရမည့် ခရီးစဉ်ဖြစ်သော်ငြား အိပ်မရသဖြင့် တီဗွီကြည့်လိုက် စာဖတ်လိုက်ဖြင့် လိုက်ပါလာရာ ပြင်သစ်နိုင်ငံ ချားဒီဂေါလ်လေဆိပ်သို့ နိုဝင်ဘာ ၁၁ ရက် ပြင်သစ်စံ တော်ချိန် နံနက် ၆ နာရီ မိနစ် ၂ဝ တွင် ရောက်ရှိခဲ့သည်။ လေဆိပ်လူဝင်မှုကြီးကြပ်ရေးရှေ့ ရောက်တော့ ပတ်စ်ပို့နှင့် အာမခံစာရွက်ကို ကိုင်ထားရင်း စိတ်လှုပ်ရှားနေမိသည်။ မြန်မာပြည်ကို သူတို့ဘယ်လိုမြင်သလဲ။ ဝင်ခွင့်မှပေးပါ့မလား စသည်ဖြင့် စိုးရိမ်နေရ သည်။ မကြာမီကပဲ ပြည်တွင်းထုတ်ဂျာနယ်တစ်စောင်တွင် အင်္ဂလန်နိုင်ငံသို့ အလည်သွားရောက်သည့် သတင်းထောက်တစ်ဦးရေးသားသည့်ဆောင်းပါးကို သတိရမိသည်။ သူ့ဆောင်းပါးမှာ လူဝင်မှုကြီးကြပ်ရေးက နိုင်ငံကူးလက်မှတ်စာအုပ်ကိုကြည့်ပြီး အမျိုးမျိုးရစ်နေကြောင်း ရေးသားထားသဖြင့် ကျွန်တော်လည်း ထိုသို့ကြုံရမည်ကို စိုးရိမ်နေ ခြင်းဖြစ်သည်။

ကျွန်တော့်အလှည့်သို့ရောက်သော် လူဝင်မှုကြီးကြပ်ရေးက လက်ညှိုးဖြင့်လာခဲ့ဟုခေါ်သဖြင့် ပတ်စ်ပို့စာ အုပ်ကိုပေးလိုက်ပါသည်။
'မြန်မာပြည်ကလာတာလား။ အလည်ပဲလား'
'ဟုတ်ပါတယ်။ မြန်မာနိုင်ငံဆိုင်ရာ ပြင်သစ်သံရုံးက ပြင်သစ်မီဒီယာတွေလေ့လာဖို့အတွက် သတင်း ထောက်တွေအလည်ဖိတ်တာပါ'
'အို ဟုတ်လား၊ သတင်းထောက်လား၊ ဘာသတင်းမျိုးရေးတာလဲ။ မှုခင်းလား၊ နိုင်ငံရေးလား၊ စီးပွားရေးလား'
'အစုံပဲဆိုပါတော့ဗျာ။ ကျွန်တော်တို့နိုင်ငံမှာ ဒီလိုသတ်သတ်မှတ်မှတ်နဲ့တော့ မဟုတ်သေးပါဘူး။ ကြုံသလိုပဲဆိုပါတော့'ဟု ကျွန်တော်က ပြင်သစ်ဘာသာဖြင့် လှမ်း ဖြေလိုက်သည်။
'မင်း ပြင်သစ်စကားပြောတတ်တယ်လား။ မင်းတို့နိုင်ငံက ပြင်သစ်စကားပြောနိုင်ငံလား'
'မဟုတ်ပါဘူး။ ကျွန်တော်တို့နိုင်ငံက အင်္ဂလိပ်ကိုလိုနီနိုင်ငံဟောင်းပါ။ အင်္ဂလိုဖုန်း(Anglophone) တွေပါ။ ကျွန်တော်က Alliance Francaise မှာ ပြင်သစ်ဘာသာစကား သင်ယူဖူးလို့ပါ။
'ကောင်းတယ်။ မင်းတို့နိုင်ငံရဲ့ အဓိကအားကစားက ဘာလဲ။Regby လား'
မျှော်လင့်မထားသော မေးခွန်းပါ။ ကျွန်တော်က Regby မကစားကြောင်း၊ အဓိကစိတ်ဝင်စားသော အားကစားမှာ ဘောလုံးဖြစ်ကြောင်း'ပြန်ပြောလိုက်သည်။
'ဒါဖြင့် ပလာတီနီကိုသိလား၊ သူက ပြင်သစ်လူမျိုးလေ'
'သိတာပေါ့။ အဲရစ်ကန်တိုးနားတို့၊ ဇီဒန်းတို့လည်း သိပါတယ်။ နာမည်ကြီးအားကစားသမားတွေပဲလေ'
ပြင်သစ်လူဝင်မှုကြီးကြပ်ရေးများ ကျေနပ်သွားဟန်ရှိပြီး ဗီဇာတွင် တုံးထုပေးလိုက်ပါတော့သည်။ မည်သည့်စာရွက်မျှ ထုတ်ပြဖို့မလို။ မည်သို့ပင်ဆိုစေ ပြင်သစ်နိုင်ငံတွင် နေထိုင်စဉ်အတွင်း ထိုအာမခံစာရွက်မှာ လိုအပ်နေဦးမည်သာဖြစ်သည်။
ခရီးဆောင်အိတ်များ ရွေးယူပြီးနောက် ဆိုက်ရောက်ရာလေဆိပ်တွင် ပြင်သစ်သံရုံးမှစီစဉ်ထားသော ကားကုမ္ပဏီမှ ကားဆရာက ကျွန်တော်တို့နာမည်တွေ ရေးထိုးထားသည့် ဧည့်ကြိုကတ်ပြားကိုင်၍ စောင့်နေပါသည်။ သူက ကျွန်တော်တို့အား ပြင်သစ်နိုင်ငံတွင် နေထိုင်စဉ်အတွင်း သုံးစွဲရန်အတွက် ငွေထုတ်ရမည့်နေရာဖြစ်သည့် Western Union ကို လိုက်ပို့ပါသည်။ အသုံးစရိတ်မှာ တစ်ပတ်အတွက် အတော်လုံလောက်ပါသည်။ ငွေထုတ်ယူပြီးနောက် လေဆိပ်အပြင်ဘက်ရောက်သည်နှင့် ပြင်သစ်ဆောင်း ရာသီလေကို စတင်ခံစားရပါတော့သည်။
ပြင်သစ်မှာ ဆောင်းရာသီစဝင်ပြီဖြစ်သည်။

by Pho Thaw Dar