ပါရီ သို့မဟုတ် အလင်းမြို့တော် - ၂

ပါရီ သို့မဟုတ် အလင်းမြို့တော် - ၂
ယာဉ်မောင်းကကျွန်တော်တို့တည်းခိုရမည့် ကာရေးဟိုတယ် (Hotel Cayre) ကိုလိုက်ပို့ပြီး နောက်နေ့နံနက် ၉ နာရီ လာခေါ်မည်ဖြစ်ကြောင်းပြောနေတုန်း ကျွန်တော်တို့ထက် တစ်ရက်ကြိုထွက်သွားသည့် AFP သတင်းဌာနမှ မလှလှဌေး ရောက်လာပါသည်။သူကမြို့ထဲသွားလည်မည် လိုက်ကြမည်လားဟုမေးသဖြင့် ကျွန်တော်တို့လည်း လေယာဉ်ပေါ်တွင် ကောင်းကောင်းမအိပ်ခဲ့ရသော်ငြားလည်း ပါရီကို ရောက်ရောက်ချင်း လည်ပတ်ချင်သဖြင့် ခရီးဆောင်အိတ်များထား၊ရေချိုးပြီးလျှင် ပြန်ဆင်းလာမည်ဖြစ် ကြောင်း ပြန်ပြောလိုက်ပါသည်။
ကျွန်တော်တို့တည်းခိုမည့်ဟိုတယ်မှာ ပါရီမြို့တော်လမ်းမကြီးတစ်ခုဖြစ်သည့် စိန့်ဂျာမိန်း လမ်းမအနီး ရက်စပဲ (Boulevard Raspail)လမ်းပေါ်တွင် တည်ရှိ ပြီး မက်ထရို(Metro)၊ဘတ်စ်ကား ဂိတ်တို့နှင့်နီးပါသည်။ ဟိုတယ်ကို ၁၉၁၅ခုနှစ်ကတည်ဆောက်ခဲ့ပြီး ကြယ်လေးပွင့်အဆင့်ရှိကာ ကျွန်တော် တို့အတွက်တစ်ခန်းလျှင် တစ်ည ယူရို ၃၉ဝ (မြန်မာငွေ လေးသိန်းကျော်ခန့်)ကျသင့်သဖြင့် ဈေးကြီးသည်ဟုဆိုနိုင်ပါသည်။
ခရီးပန်းလာသော်လည်း ရေနွေးနှင့် ရေချိုးလိုက်ရသဖြင့် အတော်လန်းဆန်းသွားပြီး လျှောက်လည်ရန် အောက်သို့ဆင်းလာခဲ့ကြသည်။ထုံးစံအတိုင်းတစ်ရက်ကြိုရောက်နေသည့်မလှလှဌေးကိုပင် ဆရာတင်ရပါတော့သည်။ သူက အီဖယ်လ်မျှော်စင်သို့ သွားလည်ရန် အဆိုပြုသဖြင့် ဟိုတယ်အနီးမှ အမှတ် ၆၉ ဘတ်စ် ကားကို စီးခဲ့ကြသည်။ ကားဂိတ်ဆုံးရောက်တော့ ကမ္ဘာကျော်အီဖယ်လ်မျှော်စင်အနီးသို့ ရောက်ရှိလာပြီဖြစ်သည်။ ၁၈၈၉ ခုနှစ်က စတင်တည်ဆောက်ခဲ့သော အီဖယ်လ်မျှော်စင်ကြီးမှာ ပေ ၁ဝ၆၃ ပေမြင့်ပြီး တည်ဆောက်သူ အင်ဂျင်နီယာ Gustave Eiffel ကို ဂုဏ်ပြု၍ ခေါ်ဝေါ်ခြင်းဖြစ်သည်။ အီဖယ်လ် မျှော်စင်နားရှိ နိုင်ငံကိုယ်စားပြုအရုပ်များရှေ့တွင် ကျွန်တော်တို့ တစ်သိုက် ဓာတ်ပုံရိုက်နေဆဲ လူစုကွဲ သွားကြသဖြင့် ကျွန်တော့်မှာ ယောင်လည်လည်ဖြစ်နေတော့သည်။ အတန်ကြာရှာသော်လည်း မတွေ့သဖြင့် တစ်ယောက်တည်း မျှော်စင်ပေါ်တက်ရန် ဝင်ကြေးပေးရမည့်နေရာသို့ လျှောက်လာခဲ့သည်။
တနင်္ဂနွေနေ့ ဖြစ်၍လားမသိ။ လူတွေက ပြည့်ကျပ်နေသည်။ လာကြသူတွေကလည်း နိုင်ငံအစုံဖြစ်ပြီး အာရှတိုက်သားများထဲတွင် ကိုရီးယားနိုင်ငံသားများဖြစ်ကြောင်း သတိပြုမိသည်။ တစ်ဦးလျှင် ဒုတိယထပ်ထိ ၉ ယူရို (ထိပ်ဆုံးတက်လျှင် ၁၂ ယူရိုဟု ထင်ပါသည်)ကျသင့်ပြီး လှေကားများတက်လာခဲ့ရာ ပထမထပ် သို့အရောက်တွင် စားသောက်ခန်းများ၌ လူတွေစည်ကားနေသည်ကို တွေ့ရသည်။ အီဖယ်လ် မျှော်စင်၏ ပထမထပ်နှင့် ဒုတိယထပ်တို့တွင် စားသောက်ဆိုင်များရှိပြီး မသန်စွမ်းသူများနှင့် သက်ကြီး ရွယ်အိုများမှလွဲ၍ လှေကားကတက်ရောက်ကြသည်။ ထိပ်ဆုံးထိ တက်မည်ဆိုလျှင်တော့ ဓာတ်လှေကားဖြင့် တက်ရသည်။
မျှော်စင်ပေါ်မှ ဆင်းလာပြီးနောက် ဟိုတယ်ပြန်ရန် အမှတ် ၆၉ ဘတ်စ်ကားစီးရန် မှတ်တိုင် သို့လာခဲ့သည်။ ကားမှတ်တိုင်များတွင် ရထားလမ်း၊ ကား လမ်း မြေပုံ တို့အားပေးသဖြင့် သွားရေးလာရေးလွယ်ကူလှသည်။ ထို့ပြင် ကားများတွင် GPS တပ်ဆင်ထား သဖြင့် မိမိစောင့်နေသည့်မှတ်တိုင်သို့ မည်သည့်မိနစ် အတွင်း မည်သည့်ယာဉ်လိုင်း ရောက်လာမည်ကို ဖော်ပြပေးနေသဖြင့် အချိန်ကို တွက်ဆလို့ရသည်။ တစ်ခုရှိသည်မှာ မိမိသွားလိုသည့်ဘက် အဆုံးမှတ်တိုင်ကို သာ သိဖို့လိုသည်။
ဟိုတယ်ပြန်ရောက်ပြီး ဧည့်ကြိုဌာနကို ကျွန်တော့်မိတ်ဆွေများ ပြန်ရောက်၊ မရောက် မေးကြည့်ရာ မရောက်သေးသဖြင့် ဟိုတယ်နှင့် အနီးဆုံးဖြစ်သည့် အော်ဆေး (Musee d'orsay)ဘက်သို့ မြေပုံကြည့်ပြီး လမ်းလျှောက်ထွက်ခဲ့သည်။ ပါရီတွင် ရန်ကုန်ရှိMediaCorner များကဲ့သို့ ဂျာ နယ်မဂ္ဂဇင်း အရောင်းဆိုင်လေးများကိုလမ်းဆုံတိုင်းလိုလိုတွင်တွေ့ရပြီး ပါရီမြို့မြေပုံကို အခမဲ့ တောင်းယူနိုင်ပေသည်။ ပါရီရှိ အဆောက်အအုံအများအပြားမှာ ရှေးဟောင်းတိုက်များဖြစ်သော်လည်း သနပ်ခါးရောင်ဆေးများ ကို တညီတညာတည်း သုတ်ထားသဖြင့် လှပသန့်ရှင်းနေသည်။
အချို့နိုင်ငံရှိ အဆောက်အအုံများမှာ အဟောင်းကိုဆေးသုတ်ထားသဖြင့် အဘွားကြီးအို မိတ်ကပ် လိမ်းထားသလို ဖြစ်နေတတ်သော်လည်း ပါရီမှာ ကျွန်တော့်အတွက် ဣနြေ္ဒကြီးသည့် ခေတ်မီမီ အမျိုး သမီးကြီးနှင့်တူသည်ဟု ခံစားရသည်။
အော်ဆေးပြတိုက်သို့ ဝင်ရောက်ရန် လူအများအပြားတန်းစီးနေသည်ကိုမြင်ရပြီး ကျွန်တော် နောင်မှလာရောက်ကြည့်ရှုရန် ဆုံးဖြတ်လိုက်သည်။ ထိုသို့ရုတ်တရက် စိတ်ပြောင်းသွားရခြင်းမှာ ပြတိုက်အနီးရှိ သီချင်းဆိုတီးမှုတ်နေသူတွေကြောင့် ဖြစ်သည်။ ဂီတာ၊ အကော်ဒီယံ၊ ဘေ့စ်တယော၊ ဆက်ဆိုဖုန်း တီးမှုတ်နေသူများနှင့် သီချင်းဆိုနေ သော အမျိုးသမီးတစ်ဦးပါဝင်သောအဖွဲ့ကို ပြတိုက်လှေကားမှ ထိုင်ကြည့်နေသူများတွေ့ရသည်။ သူတို့သီဆို တီးမှုတ်နေသော ဂီတမှာ ဂျပ်ဇ်ဂီတအမျိုးအစားဖြစ်ပြီး သူတို့ ရှေ့တွင် အလှူငွေထည့်ဝင်ရန် ဦးထုပ်တစ်လုံးကို လှန်လျက်ချထားသည်။ အလှူငွေထည့်ရင်း ဘေးမှာ ကတ်ပြားများချထားသည်ကိုတွေ့၍ ယူဖတ်ကြည့်ရာ တစ်ဦးချင်း၏ ကိုယ်ရေးအကျဉ်း၊ Twitter ဖေ့စ်ဘုတ်၊ အီးမေးလ်လိပ်စာ၊ ဝက်ဘ်ဆိုက်တို့ကို ဖော်ပြထားသည်ကို တွေ့ရသည်။
ပါရီသည် အနုပညာသည်များကို မွေးဖွားပေးသည့် မြို့ဟု သံသယရှိစရာမလိုပါ။ ပါရီမြို့သူ မြို့သားများသည် မိမိတို့ အိမ်ခန်းကို တတ်နိုင်သလောက် အနုပညာဆန်ဆန် ပြင်ဆင်တတ်သူများဖြစ်သည်။ ဝရန်တာလေးများတွင် စိုက်ထားသော ပန်းလှလှလေးများ၊ ဇာခန်းဆီးများမှာ ပြင်သစ်ပုံစံ ပြတင်းပေါက်နှင့် ကြည့်ရသည်မှာ ကြည်နူး စရာကောင်းလှသည်။
နောက်တစ်နေ့ နံနက် ဟိုတယ်တွင် နံနက်စာ စားသောက်ပြီးနောက် မကြာမီ ယမန်နေ့က ကားနှင့် စကားပြန်ဆိုသူတစ်ဦးပါ ပါလာသည်။ သူက သူ့အမည်မှာGeogios Tsaklidis ဖြစ်ကြောင်း၊ ဂျော့ဟုခေါ် နိုင်ကြောင်းနှင့် ယခုနိုင်ငံခြားရေးဝန်ကြီးဌာနသို့ သွားရောက်ကြမည်ဖြစ်ကြောင်း အင်္ဂလိပ်လိုပြောပြသည်။ အသက် ၅ဝ ခန့်အရွယ်ရှိသော ဂျော့မှာ အင်္ဂလိပ်နှင့် ပြင်သစ်ဘာသာစကားကို ကျွမ်းကျင်စွာ ပြောဆိုနိုင် သူဖြစ်ပြီး မျက်နှာအလွန်ချိုသူတစ်ဦးဖြစ်သည်။
နိုင်ငံခြားရေးဝန်ကြီးဌာနမှာ Quai d'Orsay လမ်းတွင် တည်ရှိပြီး အမှတ် ၇ ဒီစတြိတ် ( 7Arrondissement)ထဲတွင် ရှိသည်။ အဆောက်အအုံထဲဝင်တော့ ကျွန်တော်တို့ ပတ်စပို့တွေအပ်ခဲ့ရပြီး ဝန်ကြီးဌာန ပြောခွင့်ရပုဂ္ဂိုလ်လည်းဖြစ်၊ စာနယ်ဇင်းဌာန လက်ထောက်ညွှန်ကြား ရေးမှူးလည်းဖြစ်သူ Mr.Alexandre Giorgini နှင့် စာနယ်ဇင်းသမားများ ဖိတ်ကြားရေးတာဝန်ခံ Mr.Charles Phillips Dulac တို့က ကြိုဆိုကြသည်။
' ပြင်သစ်နိုင်ငံအနေနဲ့ စာနယ်ဇင်းသမားများ ဖိတ်ကြားရေးအစီအစဉ်ကို ၁၉၉ဝ ခုနှစ်များ လောက်ကစပြုလုပ်ခဲ့ပြီး တစ်နှစ်ကို နိုင်ငံပေါင်း ၅ဝ ကျော်ကနေ စာနယ်ဇင်း ဆရာ ၂ဝဝ လောက် ဖိတ်ကြား ခဲ့ပြီးဖြစ်ပါတယ်။ အခုအခါ အစိုးရအနေနဲ့ အာရှဒေသဘက်ကို စိတ်ဝင်စားလာပြီး ဥရောပသမဂ္ဂနဲ့ ပြင်သစ်တို့ရဲ့ အဖွဲ့ အစည်းတွေအကြောင်း ကျယ်ကျယ်ပြန့်ပြန့် သိစေလိုလို့ ဖိတ်လိုက်ရတာဖြစ်ပါတယ် ' ဟု မစ္စတာဖိ လစ်ကရှင်းပြသည်။
နိုင်ငံခြားရေးဝန်ကြီးဌာနတွင် Communication Department တွင် လုပ်ကိုင်နေသူ ၁ဝဝ ကျော်ရှိပြီး ဂျာနယ်လစ်များ၏ မေးခွန်းများကို သုံးပတ်လျှင်တစ်ကြိမ် အီးမေးလ်ဖြင့် ဖြေကြားပေးနေကာ နေ့စဉ်အခြေအနေပေါ်မူတည်၍ ဂျာနယ်လစ် ၂ဝ ခန့်၏ မေးခွန်းများကိုလည်း ဖြေရလေ့ရှိကြောင်းသိရသည်။ နိုင်ငံခြားရေးဝန်ကြီးဌာနမှအပြန် တွေ့ရမည့်သူမှာ Mr.Richard Malka ဆိုသူ စာနယ်ဇင်းအခွင့် အရေးကျွမ်းကျင်သူ ရှေ့နေဖြစ်ပါသည်။ သူနှင့်တွေ့ရမည့်နေရာမှာ သူ့ရုံးခန်းမဟုတ်ဘဲ ဘူဂုန်း (rue de Bourgogne)လမ်းထဲက တာဘက်ကဖေးဆိုင် (Tabac)တစ်ခု၏ အပေါ်ထပ်ဖြစ်သည်။
ပြင်သစ်တွင် ကဖေးဆိုင်တိုင်းတွင် ဆေးလိပ်ဝယ်ယူ၍မရဘဲ (Tabac) ဟု အမည် တပ်ထားသည့် ကဖေးဆိုင်များတွင်သာ ဆေးရွက်ကြီး၊ ဆေးပြင်းလိပ်နှင့် စီးကရက်တို့ ဝယ်ယူရရှိနိုင်ပါသည်။
ပြင်သစ်နိုင်ငံတွင် အရက်၊ ဘီယာနှင့် ဆေးလိပ်ကို အခွန်တိုးမြှင့်ကောက်ထားသဖြင့် ဈေးကြီးလှသည်။ စီးကရက်တစ်ဘူးလျှင် ၇ ယူရို (ကျပ် ၇ဝဝဝ ကျော်)ကျသင့် ပါသည်။ ကျွန်တော်ကမူ ရန်ကုန်မှာကတည်းက ပြင်သစ်တွေ ပြောပြထားသဖြင့် ဈေးကြီးကြောင်းသိနေသဖြင့် Red.Ruby ၂ ကာတွန့်ယူလာခဲ့ရာ ဝယ်သောက်စရာ မလိုသည့်အပြင် ဆေးလိပ်လာ တောင်းသောက်သူများကိုပင် ဝေပေးနိုင်ပါသည်။ စီးကရက်ပါလျှင် ပါရီတွင်မျက်နှာပွင့်လှသည်။ ဆေးလိပ်သောက်နေလျှင် အမျိုး သမီးတွေရော၊ အမျိုးသား တွေပါ ' မွန်စီယာ၊ ဆေးလိပ်တစ်လိပ်လောက်ပေးပါ 'ဟုလာပြောသည်ကို မကြာခဏကြုံခဲ့ရသည်။
ကဖေးဆိုင် အပေါ်ထပ်မှာ ကျဉ်းကျဉ်းလေးဖြစ်ပြီး စားပွဲနံဘေးရှိ ပြတင်းပေါက်ပေါင်ပေါ်တွင် ပန်းအိုးလှလှလေးများ တင်ထားကာ နံရံတွင် အင်ပရက် ရှင်းနှစ်ဆန်ဆန် ပန်းချီကားတွေ ချိတ်ထားသည်။ Richard နှင့်တွေ့ရသည်မှာ စိတ်ဝင်စားဖို့ကောင်းပါသည်။ အဘယ်ကြောင့်ဆိုသော် သူသည် လောလောဆယ် 'Charlie Hebdo' သတင်းစာ၏ ရှေ့နေအဖြစ် ဆောက်ရွက်နေသောကြောင့်ဖြစ်သည်။Hebdo ဆိုသည်မှာ ပြင်သစ်ဘာသာဖြင့် အပတ်စဉ်ထုတ်ဟု အဓိပ္ပာယ်ရပြီး မကြာသေးမီကမှ ဘာသာရေးအစွန်းရောက်များ က ထိုသတင်းစာတိုက်ကို မီးရှို့ခဲ့ကြသည်။ပြင်သစ်နိုင်ငံတွင် Charlie Hebdo နှင့် Le Canard Enchaine ဆိုသည့် အချက်အလက်ကို အခြေခံပြီး သရော်စာဆန်ဆန်ရေးသည့် သတင်းစာ ၂ စောင်ရှိသည်။ အပတ်စဉ်ထုတ် သတင်းစာများဖြစ်ပြီး ထူးခြားချက်မှာ ကြော်ငြာလုံးဝမထည့်ခြင်းဖြစ်သည်။
' ဒီသတင်းစာ ၂ စောင်ကတော့ စီးပွားရေးလုပ်ငန်းစုတွေရဲ့ ဖိအားပေးတာ မခံလိုတဲ့အတွက် ကြော် ငြာမထည့်ကြဘူး 'ဟု သူကရှင်းပြသည်။
' ဒီသတင်းစာတွေအနေနဲ့ ဘာသာရေး၊ လူမျိုးရေး ကြိုက်ရာရေးခွင့် ရသလား '
' များသောအားဖြင့်ရပါတယ်။ ဥပမာLa Liberation ဆိုရင် ဆိုရှယ်လစ်ယိမ်းတဲ့အမြင်၊ L'Huminite ဆိုရင် ကွန်မြူနစ်ယိမ်းတဲ့အမြင်၊Le Figaro ဆိုရင် လစ်ဘရယ်ကျတဲ့အမြင်တွေနဲ့ရေးကြတယ်။ ၁၈၈၁မှာ ပြဋ္ဌာန်း တဲ့ဥပဒေအရ မိမိထင်မြင်ချက်ကို လွတ်လပ်စွာရေးသားဖော်ထုတ်ခွင့်ရှိပါတယ်။ တာဝန်တော့ ယူရတာပေါ့။အများအားဖြင့် ဖြစ်တတ်တာက အသရေဖျက်မှုနဲ့ ပုဂ္ဂလိကလွတ်လပ်ခွင့်ချိုးဖောက်မှုတွေ ဖြစ်တတ်တာပါ '
Richard နှင့် နာရီဝက်ခန့်သာ စကားပြောခဲ့ရသဖြင့် မေးစရာတွေ ကျန်သေးသော်လည်း စန်းမြစ်(La Seine) ထဲတွင် နေ့လယ်စာစားရမည်ဖြစ်ကြောင်း ဖိလစ်က သတိပေးသဖြင့် ကျေးဇူးတင်ကြောင်းပြောပြီး လူချင်း ခွဲခဲ့ကြသည်။
(ဆက်ရန်)
(ပုံ ၁ ) ကျွန်တော်တို့တည်းခိုသည့် ဟိုတယ်
(ပုံ ၂ ) အီဖယ်မျှော်စင်ပေါ်ကမြင်ရတဲ့ ပါရီ