"မခုန်ခင် ကြည့် သတိ" ဆိုတဲ့ လူမှောင်ခို ကူးမှု ပပျောက်ရေး နှင့်အသိပညာတိုးပွါးရေး စီမံချက် အပြီးမှာ လုပ်ငန်းပြီးဆုံးခြင်း မှတ်တမ်းရေးဖို့ ကော့သောင်းမြို့ကို ကျမတို့ အဖွဲ့ သွားရောက်ခဲ့ရတယ်...
အဲဒီမှာ အတူသွားကြတဲ့အဖွဲ့အတွင်း တာဝန်အသီးသီး ခွဲဝေကြတော့ ကျမ က လူမှောင်ခိုကူးခံ ခဲ့ရတဲ့ ကာယကံရှင် ကလေးမလေးနဲ့ အင်တာဗျူး လုပ်ဖို့ တာဝန်ကျပါလေရော သူ့ အသက်က ၁၃ နှစ်...... တိုတိုပြောရရင်တော့ အဒေါ်အရင်းဖြစ်သူက သူ့ အမကို အယုံသွင်းပြီး တစ်ဖက်ကမ်း ထိုင်း နယ်စပ်အတွင်း ကိုဝင်ပြီးရောင်းစားခဲ့ တာ....ကလေးမလေးကအချေနေမဟန်မှန်းသိတော့ သူ့အကြံနဲ့သူ ထွက်ပြေးပြီး ရဲကို တိုင် ရဲက တဆင့် ကျမတို့ အဖွဲ့ရဲ့အစီအစဉ်နဲ့ ကော့သောင်းက သူမရဲ့နေအိမ်ကို ပြန်ရောက်တဲ့အထိ ပို့ဆောင်ပေးခဲ့ရသူ ....ဒါတင်မကသေးဘူး သူကလေး ကိုအသိပညာပေးထားပြီး ရှေ့ရေးကို စီစဉ်ဆောင်ရွက်ပံ့ပိုးပေးထားသူ...... အဲဒါတွေသူဖြေကြား ပြီးတဲ့နောက်.... နောက်ဆုံး မေးခွန်း အဖြစ်.....
"သမီးရဲ့ပတ်ဝန်းကျင်မှာ ...တဖက်နိုင်ငံကို သွားပြီးအလုပ်လုပ်ချင်တဲ့ သူတွေကို တွေ့ရင် သမီးဘာပြောမလဲ" လို့ မေးလိုက်တော့...
"ရှမ်းကန်း(ထိုင်း) ကိုလား..... အဲဒီမှာသွားအလုပ်လုပ်ရင်....သမီးတို့လို သားခန်းငယ် (ကလေးငယ်) တွေဆိုရင် သူတို့က လမ်းမှာ ပန်းရောင်းခိုင်းလိမ့်မယ်......အန်တီတို့လို (ကျမကိုမေးငေါ့ပြပြီး) အိုးကောင်းကောင်းနဲ့ဆိုရင်တော့....တခါထဲ ဖာခန်းရောက်သွားမယ်......" တဲ့
ကဲ မှတ်ကရော.......
No comments:
Post a Comment